ଭୁବନେଶ୍ୱର: ଓଡ଼ିଶା ସରକାର ରାଜଧାନୀ ଭୁବନେଶ୍ୱରରେ ମେଟ୍ରୋ ରେଳ ପ୍ରକଳ୍ପକୁ ଆନୁଷ୍ଠାନିକ ଅନୁମୋଦନ ଦେଇଛନ୍ତି। ଏହି ମହତ୍ତ୍ୱାକାଂକ୍ଷୀ ପ୍ରକଳ୍ପ ପାଇଁ ପ୍ରାୟ ୬,୨୫୫ କୋଟି ଟଙ୍କା ବ୍ୟୟ ଅଟକଳ କରାଯାଇଛି।

ପ୍ରଥମ ପର୍ଯ୍ୟାୟରେ ତ୍ରିଶୂଳିଆଠାରୁ ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନବନ୍ଦର ପର୍ଯ୍ୟନ୍ତ ୨୬ କିଲୋମିଟର ମାର୍ଗ ନିର୍ମାଣ କରାଯିବ। ଏଥିରେ ମୋଟ ୨୦ଟି ଷ୍ଟେସନ ରହିବ।

ମୁଖ୍ୟମନ୍ତ୍ରୀ କହିଛନ୍ତି ଯେ ଏହି ପ୍ରକଳ୍ପ ରାଜଧାନୀର ଯାତାୟାତ ବ୍ୟବସ୍ଥାରେ ଆମୂଳଚୂଳ ପରିବର୍ତ୍ତନ ଆଣିବ ଏବଂ ପ୍ରତିଦିନ ପ୍ରାୟ ଚାରି ଲକ୍ଷ ଯାତ୍ରୀ ଏଥିରୁ ଉପକୃତ ହେବେ।